२७ कात्तिक, रुपन्देही । राजनीतिक प्रतिशोध विरुद्धको ऐक्यबद्धताका लागि राष्ट्रिय स्वतन्त्र पार्टी (रास्वपा)ले आज बिहान प्रदर्शन गर्ने भएको छ ।
सहकारीको रकम अपचलनको आरोपमा पक्राउ परेका राष्ट्रिय स्वतन्त्र पार्टी (रास्वपा)का सभापति रवि लामिछानेलाई भैरहवा ल्याउँदा नेता कार्यकर्ताहरूले प्रदर्शन गर्ने लुम्बिनी प्रदेश प्रशिक्षण विभाग सचिव एवं सञ्चार तथा सूचना प्रवाह समितिका सन्देश भण्डारीले जानकारी गराए ।
Advertisement
लामिछानेलाई आज बिहान कास्कीबाट रूपन्देही ल्याइँदै छ ।
आज बिहान ११ बजे भैरहवाको बुद्धचोकबाट र्याली सहित जिल्ला प्रहरी कार्यालय हुँदै देवकोटा चोकमा आएर कोणसभा गर्ने बताइएको छ ।
कार्तिक २ गते काठमाडौंबाट पक्राउ गरी पोखरा लगिएका पूर्वगृहमन्त्रीसमेत रहेका लामिछाने रूपन्देहीको सुप्रिम सहकारीको रकम अपचलनमा पनि मुछिएपछि उनलाई ल्याउन लागिएको हो ।
Advertisement
टिप्पणीहरू